लस्का ढसका मा चली तेरी फौन्दी धौंपेली-2
कभी यी पाली लस्स कभी वीं पली लस्स
कभी ये छोड़ लस्स कभी वे छोड़ लस्स
लस्का ढसका मा चली मेरी फौन्दी धौंपेली-२
कभी यी पाली लस्स कभी वीं पली लस्स
कभी ये छोड़ लस्स कभी वे छोड़ लस्स
लस्का ढसका मा चली तेरी फौन्दी धौंपेली हाँ चली
तेरी छाली आंखियुंन छले धरम इमान
तेरी जाली मायान बणे दुनिया बेमान
तेरी छाली आंखियुंन छले धरम इमान
तेरी जाली मायान बणे दुनिया बेमान
मेरी बाली जवानी का चिफ्ला बाठों हिटी-२
कभी हे कभी हे कभी क्वी रौडी घस्स कभी क्वी रौडी घस्स
कभी ये छोड़ लस्स कभी वे छोड़ लस्स
लस्का ढसका मा चली तेरी फौन्दी धौंपेली हाँ चली
बिरडी गेनी भला भला लोग ठुमकों मा मेरा
अल्झी गेनी कन कना जोगी झुमकों मा मेरा
बिरडी गेनी भला भला लोग ठुमकों मा मेरा
अल्झी गेनी कन कना जोगी झुमकों मा मेरा
तेरा ठुमकों देखि तेरा घुंगरू सुणी-२
कभी हे कभी हो कभी हिया मा टुर्र कभी जिकुड़ी मा झस्स
कभी यी पाली लस्स कभी वीं पली लस्स
लस्का ढसका मा चली मेरी फौन्दी धौंपेली
पौणा चली जला भोल लेकी डोला बारात
अद्बटा मा न छोड़ बिन्गै जा पूरी बात
मैम राली समुण तेरी मुल मुल हैन्सी-२
कभी मुख फेरी ठस कभी मै देखि ठस
कभी ये छोड़ लस्स कभी वे छोड़ लस्स
लस्का ढसका मा चली मेरी फौन्दी धौंपेली हाँ चली-2
कभी यी पाली लस्स कभी वीं पली लस्स
कभी ये छोड़ लस्स कभी वे छोड़ लस्स
कभी यी पाली लस्स कभी वीं पली लस्स
कभी ये छोड़ लस्स कभी वे छोड़ लस्स
बारा मैनो की बारामास गायी
घगरी फटीक घुंडियों माँ आयी २
चैत का मैना दिशा भेट होली
तेरी ब्येटुली ब्वे डब डब रोली
बैसाख मैना कोथीग कुरालु
बिना स्वामी जी का प्राण झुरोलू
बारा मैनो की…..
जेठ का मैना कोदू बूती जालू
मेरी पुन्गरियों ब्वे कु बूती आलु
आषाढ़ मैना कुयडी लोकैली
बिना स्वामी जी का कनु के कटीली
बारा मैनो की…..
सोंड का मैना कूडो चुयालो
जो पाणी भैर, भीतिर भी आलो
भादो का मैं संगरांद आली
मेरु कु च ब्वे जु मैत बुलाली
बारा मैनो की…..
अशूज मैना शरद भी आला
पितर हमारा टुक टुक जाला
कार्तिक मैना बग्वाल आली
स्वामी जौंका घौर पकोडा पकाली
बारा मैनो की…..
मंगसीर बैख ढाकर जाला
मर्च बिकैक गुड ल्वोन ल्योला
पूष का मैना झाडु च भारी
बिना स्वामी कि कु होली निर्भागी नारी
बारा मैनो की…..
माघ मॉस बीच मकरेण आली
कन होली भग्यान जु हरद्वार जाली
फागुण मैना होरी खिलेली
रसीला गीतों सुणी जिकुडा झुरोली
बारा मैनो की…..
बारा मैनो की बारामास गायी
घगरी फटीक घुंडियों माँ आयी २
————————————
मेरी बेटुली मेरी लाड़ी लडयाली
मेरी चखुली मेरी फूलो की डाली ..२
आज स्य देखदे -द्खदा ,बिराणी हवे गे सैति-पाली..२
बाबा जी यकुली -यखुली कनु के की जोलु
हे माजी बीरण मुलुक कनु के की रोलु
अफु भी रोई मैती भी रुलेगे आज छके की
हेंस्दु- खेलदु घर सुन कैगे जिकुड़ी यो दुखे की
ख़ुद लगली भ्ये-ब्हेनो मैतियों की रोवए ना
उपरी मुल्क उपरी मनखीयो मा धीरज खोये ना
खूब फल -फूली मैतियों ना भूली ..२
मेरी आंखी यो की उजयाली
बिराणी …….. पाली
अपणु हवे की भी अपणु णी यो धन कन धन चा
याद ओदन तेरा खेल -खिलौना दिन बाला पन का
किल्क्वारी मारी ग्वाया लगाणु याद आणु चा
तुतले की तेरु बोलणु बचियाणु याद आणु चा
नवाई -तपाई गोल्याई हिटाई जिकुडा का काख सिवाली
बिराणी हवे गे सैति पाली
मुख ना लगी दाना सय्नो का प्रेम से रै ई
भल- बुरु जनु होलू भाग मा बेटी चुप सै लेई
अमर रया तेरु सुहाग ,सदनी सुखी सन्ति रै तू
द्वि घरो की छे लाज अपणु धर्म निभे तू
खूब फल -फूली मैतियों ना भूली ..२
मेरी आंखी यो की उजयाली
बिराणी …….. पाली
अपड़ी तों सरम्येली आंख्युं,
अपड़ी तों सरम्येली आंख्युं,
अपड़ी तों सरम्येली आंख्युं देखण दया जरा इना ता देखा
देखण दया जरा इना ता देखा
तुमारी समणी सरम च आणि,हम्तै भारी सरम च आणि
पैली तुम जरा उना ता देखा, हो पैली तुम जरा उन ता देखा
कब ताकि सरमाणी लुकणी राली ब्योली
कब ताकि सरमाणी लुकणी राली ब्योली
कभी ता आलू बसंत कभी ता हंसली फ्योली
रुखा डांडा हवे जला हैरा, रुखा डांडा हवे जला हैरा
जरसी तुम यूँ जना ता देखा, हो जरसी तुम यूँ जना ता देखा
तुमारी समणी सरम च आणि पैली तुम जरा उना ता देखा,
हो पैली तुम जरा उन ता देखा
सरम भी तुमारी चा आंख्युं मा तुमि,सरम भी तुमारी चा आंख्युं मा तुमि
जुक्डी मा तुमारी माया कुटी कुटी घुमी
भैर भितर तुमारी मूरत, भैर भितर तुमारी मूरत
क्या जी करा अब कना जी देखा, हो क्या जी करा अब कना जी देखा
अपड़ी तों सरम्येली आंख्युं देखण दया जरा इना ता देखा
हो देखण दया जरा इना ता देखा
छोड़ा देखणा छन लोग हाथ यनु ना खींचा
हमारा गों मा रिवाज सरमाणों कु नीचा
हो छोड़ा देखणा छन लोग हाथ यनु ना खींचा
हमारा गों मा रिवाज सरमाणों कु नीचा
दूर डांडीयूँ का पार लिजावा हमसाणी
चला उड़ी जौला द्वि का द्वि पंछी बणी
पंछी बणी पंछी बणी
डाल्युं का टुख बनौला घोल
सुख ही सुख होलू जाना भी देखा
हो सुख ही सुख होलू जाना भी देखा
